Lu rapimentu di Pruserpina

Testo di Paolo FIORENTINO
Traslazione di Alphonse DORIA

‘Nna l’universu di li cuntura di li ddei greci lu mitu di lu “Rapimemtu di Pruserpina” (Core Persefoni pi li Greci), ripigliatu di Catullu, Ovidiu e Oraziu, unni l’amuri èni, forsi, lu veru argumentu principali: l’amuri di matri na li riguardi di la figlia perduta, l’amuri ca cu arduri si permetti lu rapimentu di l’amata, l’amuri di n’amica ca si sacrifica mittennusi contro cu tutti li so forzi a nun fari succediri lu gestu violentu, lu sentimemtu di n’amata affruntusa e dduci, c’accunsenti p’amuri finu a lu puntu ca ricambia lu vuluiri cu impitu di u’ Diu potenti e rozzu, ma ca si metti pi u’ n’equilibriu d’armunia di la natura mittennu ‘nzemmula ‘ntressi contro facennu abbassari l’estremismi.
“Amor, ch’al cor gentil ratto s’apprende…
Amor, ch’a nullo amato amar perdona…”
Chisti versi, cantati di Danti nni la Divina Commedia, pari di vidimi nni lu cori duci di Pruserpina, ca la so storia china di fascinu serbì a l’antichi a darisi ragioni, comu amu a vidiri , lu cangiari perpetuu di la bedda e di la brutta stagioni, di lu risbegli felici e di lu tristi dormiri di la
natura.
Pruserpina era figlia di Cerere (Demetra) e di Giove (ZEUS), RE DI L’Olimpu divinu. La matri rapprisintava la dea di la firtilità, di l’abbunnanza di lu metiri e purtà l’omini a la canuscenza di li segreti di l’agricurtura, pirmittennucci di lavurari lu frummentu biunnu unni tirari fora lu pani prufumatu.
Supra la bedda e jovana Pruserpina pari ca jttaru l’occhiu bramusulu diu Apollu (Febu) e lu diu Marti (Ares), tantu ca la matri priuccupata l’ammuccià ‘nSicilia, mentri ca cugliva ciura ‘nna li sponti chini d’erba e beddi di lu lagu Pergusa, nna li vicinanzi di Enna, si nn’addunà Plutoni (Ade), diu di li morti, ca ‘mpressionatu di sti tanti biddizzi d’idda dicisi di piglialla pi muglieri. Lu modu d’agiri ca piglià Plutoni pi lu so ‘ntentu fu, a dilla leggia rozzu ca po era chiddu ca ‘nfunnu era la so natura di carattiri difficili.
A u’ trattu, cu u’ bottu, si rapì la terra e da li so visciri niscì Plutoni supra u’ carru d’oru tiratu di quattro cavadda niguri. Pirsefoni ancora u’sinn’ajva addunatu chiddu ca stava succidennu ca vinni affirrata di Plutoni cu li so grazza musculusi e purtata via cu vilucità finu a Siracusa, scumparennu cu iddu nni na voragini simili ca si rapì nna li vicinanzi di la fonti Aretusa. Sulu la ninfa Ciane, ca jucava ‘nzemmula cu idda, si truvà a difendila di ddu rapimentu comu u’ lampu, aggrappannusi cu disperazioni a li cavadda e a la carrozza pi circari di frinalli, ma tuttu fu ammatula, anzi la ninfa vinni castigata da lu diu di li morti e trafsurmata nni na sorgiva, la stessa sorgiva ca purtà lu so nnomi a unuri di chiddu ca, tantu tempu appressu, Erculei sacrificà li vo comu arrivà a Siracusa.
Cerere sintì di luntanu lu vuci d’aiutu di la figlia, ma arrivà tardu assà e nna lu postu u’ c’era cchiù traccia di lu rapimentu.
Idda,allura, tristi e scunsulata chiancì cu arduri la perdita di la figlia e pi novi jorna e novi notti caminà senza firmarisi pi terri e pi valli a la ricerca d’idda, viastuta cu vesti scuri e senza mai lavarisi, e all’occurrenza facennusi luci cu du grossi pini chini di resina addumati nna lu crateri dill’Etna.
Si cunta ca, mentri Cerere cu passu lestu circava la figlia pi li vallati di Sicilia, sentiva u’ rumuri strammu e fastidiusu: era chiddu ca facivanu li chianti di lupinu pisciati di lu so passaggiu. Ddu murmuriu ‘nsistenti ci parsi na mancanza di rispettu accussì malidicì la chiandima ca faciva rumuri rinnennula amara comu era la pena pi la perdita di la propria figlia. Di ddu mumemtu ‘npò la chianta di lupinu, di duci ca era addivintà amara.
Duranti lu so pilligrinari, po’ nna li vicinanzi di Trapani persi la so gfaci ca purtava sempri cu idda, unni avvissi avutu origini la montagna a faci ca sta nnavanzi a sta cività.
Pinsirusa e cu la pena, Cerere rifiutava pi finu l’ambrosia viiviri di li manciati di li dei e na vota, ca u’ si n’addunà, mancia’ na cosa ca ddu sarbaggiu e superbu Tatalu , ca fu po’ cunnannatu di Giovi a la pena canusciuta di tutti ca piglia lu stessu nnomu so, si permisi di farici manciari a li dei: lu propriu figliu n Pelupi squartatu e cucinatu, pi sfidari la canuscenza ‘nmensa di li dei

Li dei, iddi si rifiutare subbitu di manciari ddu prandu camuffatu cu sapienza, mentri la sula Cerere suprapinseri agganga na spadda.
Nni ddu frangenti di tempu capita’ u’ fattu curiusu cu Netunu (Poseidone), diu di lu mari, ca comu a Giovi e a plutoni era unu di li so frati, ca lu figliu di Saturnu (Crono) e di Cibale (Rea) videmma.
Nna li fatti, Nettunu s’ajva ‘nmpressionatu di Cerere e la dea pi livarisi di l’attenzioni ‘nsistusi di lu frati si trasfurma’ nni na ciumenta e s’ammisca’ nna lu bistiami di lu re Oncu, figli d’Apollu, ca rignava nni na parti di la Grecia. Ma Nittunu la canuscì nni ddu travestimentu vidè
E senza ca chissà si potti livari la ‘mprina’. Di sta ‘nzimmuliata, secunnu quarcunu, appi a nasciti la ninfa Despoina e lu cavaddu sarbaggiu Ariani, ca ajva lu donu di parlari.
Nna lu mentri Cerere sempri cchiù dispirata a circari la figlia amatasenza risurtatu, finu a quannu lu Suli (Elios), ca cu la so luci tuttu vidi, ci vinni la pena e ci cunta’ comu eru li cosi. E fu accussì ca Cerere arrabbiata nun vozi cchiù ternari supra l’Olimpu tra li dei ca u’ ‘n’ajvanu fattu nenti pi riparari na tali malazion i
U’ jornu , Cerere junsi a Eleusi spussata di la disperazioni cerca cerca e, piglia’ li simbianzi di na vecchia, s’ajva assittatu vicinu a na funtana. Cca fu ricevuta cu bona creanza di lu re bonu Celeo (ca giurava la natura divina) e cangiata pi n’anziana nutrici di l’aspettu dignitusu e rassicuranti, ci proponeru d’addivari l’addivuzzu Tritolemu, figliu di lu stessu Celeo e di la regina Metaniera. Cerere accittà lu ‘ncarricu pi ricunuscenza di l’ac cuglienza ricevuta pinsà di renniri lu ‘nmortali nicareddu in gran segretu a u’ cumplicatu e lungu rituali. Accussì ogni notti dopu ca ‘nsivava lu corpu di Tritolemu cu a’mbrosia, lu assettava ‘ncapu lu focu pi purificallu, cantannucci na ninnananna divina.
Ma na sira succidì ca mentri ca faciva stu ritu mistiriusu, fu scupruta di Metaniera, ca nun canuscennu cu era cu verità dda fimmina anziana accussì jttà na vuci di scantu e ci livà l’addevu di mmani.
La dea nna l’ascutari li gasatimi di Metaniera ca si scantava pi la vita di lu figliu, s’arrisintì assà e ripiglià li so sembianzi divini. Dopu di chistu s’alluntanà lassannu iri chiddu ca stava facennu e urdinà a Metaniera di farici isari u’ temopiu a unuri di idda.
Cerere però nun si scurdà l’accuglienza ca ci fu fatta e a Trittolemu ci arrigalà u’ carrettu tiratu d’armala cu ali e l’avvià all’arti di l’agricortura, arrigalannucci la semenza di lu frummentu.
Di ddu mumentu ‘npò l’omini curtivannu la terra addivintaru agricurtura e canusceru lu pani.
Propriu a Eleusi, si facivanu riti solenni a anuri di Cerere e ca vinivanu chiamati a partecipari sulu l’avviati a lu curtu e ca pi sti segreti granni foru chiamati Misteri Elelusini.
Ma nun si carmava lu tristi chianti e la colira c’aiva cu l’atri dei ca ci ajvanu pirmisu dd’attu terribili di lu rapimentu di la figlia, tantu ca la terra nun fu cchiù fertili e nun fici cchiù fruttu.
Vinennu menu u’ fruttu di la terra, l’omini vinniru aggravati di caristii ca c’impidivanu di sacrificari a li dei sti frutti mittennu ‘npericulu la stessa esistenza d’iddi.
Dopu tentativi ammatula di cunsulari Cerrere, a Giovi nun ci arristà atru ca mannari a Mercuriu na l’inferi pi ‘ntimaricci a Plutoni di renniri Proserpina.
Plutoni ca cu furbizia ajva attaccatu a iddu Proserpina facennucci sazari li coccia di u’ granatu(fruttu di lu vinculu amurusu), accunsinti di lassari iri la bedda piciotta, ma a u’ pattu: ca idda po passari sulu du terzi al’annu cu la matri, e pi lu rimanenti tempu ajva a turnari cu iddu sutta terra.
A stu puntu va ricurdatu ca nna l’antichità l’annu viniva spartutu nni tri stagioni: primavera, stati, e ‘nvernu; sulu appressu si ci icà a chisti l’autunnu.
Accussì l’antichi si davano spiegazioni di lu continuu cangiari di li stagionie tanti misteri di la Natura, criannu “miti” chini di fascinu e maravigliusi comu chiddu di Proserpina.
A stu cuntu d’amuri e di passioni, di vita e di speranza ca renni palesi lu ritmu senza fini di la vigitazioni e di li stagioni, e a lu stessu cultu di Core e di Demetra c’ajva u’ gran significatu ni l’antica Akragas, s’attaccanu li radici di la Sagra di lu ‘Mandorlo in Fiore’ ca si celibra ogni annu nni la Valli di li Templi di Agrigentu.
E’ ancora ‘nvernu chinu (jnnaru, frivaru) ca li mennuli si cummoglinu di ciuri janchi e dilicati, ‘ncurniciannu di canduri maravigliusu li magnifici Templi greci di l’antica Akragas e accuminciannu cu fascinu unicu lu risvegliu di li forzi chini di vita dopu lu tarpuri di lu ‘nvernu.
Na vota la sagra si faciva a Naru(Ag.), ni la Valli di lu Paradisu comu festa di populu e sulu nna lu 1935 fu purtata a Agrigentu pigliannu na grannizza universali istituennu lu Festival Internazionale del Folklore.
Passannu lu tempufici so videmma lu valuri di l’amicizia e di la paci tra li genti, marcatu in manera ideali cu lu ritu ca s’adduma lu Trippedi di l’Amicizia nnavanti lu Tempiu di la Concordia.
Accussì, ancora na vota, nna lu sucu tra mitu e storia, valura antichi e universali si rinnovanu e s’ammiscanu tra li landi suggestivi di Sicilia dannu spaziu a li sommura e a li sentimenti di l’omu.



.

A Veniri ericina
Testo di Paolo FIORENTINO
Traslazione in siciliano di Alphonse DORIA

L’amuri a modellu, c’avi u nomu di Eros, di lu poeta grecu Esiodo viniva ‘ntisu comu iniziu e mutivu di ricipruca attrazioni di tutti li leggi di l’universu, chistu bastassi pi ricanusciri ca i so risurtati, calati nna lu particolari di l’omini, si spieganu sempri nni la manera ca cundizionanu cu forza li fatti di tutta l’umanità. La so forza potenti ca nuddu po arrisistiri , sacra a li riti e a u spiritu di li religioni conferma sta doti ca po essiri nna lu stessu tempu divina e profana.
‘NSicilia, terra unni su misi ‘nzemmula li caratteristichi di geografia e di storia di li civirtà di lu Mediterraniu, a divuzioni di l’amuri ca fussi sacru o carnali nni l’antichità appi u’ postu precisu supra la montagna di Erici, nna l’udierna provincia di Trapani. Ka di prima si faciva riferimentu a u’ postu di di riti magicu-riligiusi collegati a la dea fenicia Astarti, po facennu so tutti li particolari precisi di l’antropomorfismu di la riligiuni d’a Grecia, ripurtà i so sacri cuntinuti di rituali di fecondità di la vita nni l’adurazioni di a ddea Afrodite, canusciuta vidè da li Romani comu Venus Erycina. A l’epuca romana lu santuariuericinuaddivintà unu di li kiù canusciutidi l’antikità pi li ricchizzi ca c’eranu dda intrae pi li riti cu sacrifici a d’anuri di la dea.
Tutta la storia antica di Erici è duminata di lu cultu di la dea di l’amurie di la fecondità, ca proteggi cu viaggia pi mari, la ERICINA RIDENS cantata di lu poeta Oraziu, matri, secunnu li cunturad i lu postu, di l’eroi Eryk ca Erculei l’ammazzà
Stu fattu ca lu tempiu era nni la regioni di ll’Elimi fici subitu pinsari ca lu cultu ca viniva fattu dda intra vinissi dill’Orienti. L’Elimi pruviniovanu u’ si sapi precisu di dunni ma di li parti di l’Asia Minori e, pi quarcunu, discinnivanudi li profughi di Troia compagni d’Enea ca abbannunaru lu gruppu mentri si firmaru’nSicilia pigliannusi fimmini di lu postu; chisti fimmini, nna li fatti, ajvanu datu focu a li navi d’iddi pi custrimgili a nun partiri. Iddi ficiru ‘n’isula etnica sistemata nni la parti estrema di la Sicilia occidentali ‘mezzu a li pupulazioni ca eranu kiossà sicani, ca li cività kiù ‘mportanti foru ,pi sapillu, Erici, Siesta, Entilla, forse Alicia(Salemi?)
Nna li fatti la nostra granni dea dd’a fecunnità e di la voglia amurusa nunn’ha statu mai sulu occidentali, idda è la stessa divinità ca vidè li nostri vicini orientali viniravanu cu atri nnomura.
U latu di u cultu d’a dea ericina ca provieni di l’orienti era l’ordinamentu di li Hierodule, ca eranu di li sibilli misi nna lu tempiu di la dea ca facivanu lu ‘misteri di darisi’ sacru a la dea. Nni l’Orienti stu ‘misteri’ putiva diviniri di u ritu ca li picciotti fimmini virgini eranu assuggittati prima di maritarisi, ca, secunnu Erodono, ogni picciotta di la Babilonia ajva assuggittarisi a essiri pi na vota di la vita comu buttana sacra, pronta pi cu la sciglissi nna lu tempiu lassannu jri quantu e comu viniva pagata; na vota ca lassava lu santuariu e conclusa l’usanza ‘u c’era cifra c’avjssi pututu abbastari pi aviri sti favura. La stessa cosa viniva fatta a Cipru.
A Erodono ci parsi n’usanza sconcia chidda ca putiva essiri tagliata comu na speci di sacrificiu pi assicurarisi d’aviri figli nna lu matrimoniu, o comu u’ tabù di u sangu, pirchì tanti di li genti di l’Orienti cridivanu ca lu sangu persu di na virgina la prima vota ca lu faciva portava sfortuna all’omu, sfortuna ca putiva essiri evitata lassannu tali attu a u’ n’omu scigliutu pi casu di la dea.
Nna lu veru pari ca nna lu cultu ericinu ci fussi dda intra na forma di convinzioni riligiusa canusciuta tra li populi kiù antichi, ca accussì si circava di jcarisi cu la carni cu la dea ca si chidiva la protezioni jcannusi veru cu li sibbilli a idda consacrati. A ogni modu, ca st’ordinamentu sacru po rpuviniri di l’Orienti risinti di sicuru di l’influenza di la civirtà finiciu-punica, ca nni la costa d’occidenti di l’isulafu assà ‘ncarcatafinu a un’epuca kiù tardu
Lu sacrariu ericinu appi kiù ‘mportanza ekiù splinnuri sutta lu duminiu romanu , quannu lu cultu di Veniri , culligatu a lu nnomu d’Enea e passatu sopra u Campidogliu, trovava a favori la pulitica di lu guvernu di Roma , accussì consula e sinatura arrivannu a Erici visitavano lu tempiu, e u sinatu dicritava ca diciassette di li cività kiù fedeli dill’isula uffrissiru u donativu ogni annu a la dea e du centuri di sudati si stabilissiru a guardia di lu tempiu.
I Romani cunsidiravanu Veniri antenata d’iddi , pirchì Enea , figliu di la dea e d’Anchisi mortali, dopu la distruzioni di Troia ajva purtatu li superstiti fina nna li terri di u Laziu unni nascì Alba Longa , cività unni appi origini Roma. Di u figliu d’Enea Iulo, appi a discinniri la partita di li Iulia , ca c’appartinì Giuliu Cesari, e Virgiliu nna l’Eneidi nun risparmià di carricari avantamenti a sta presunta discinnenza tantu cara a u guvernu di progressu d’Ottavianu Augustu.
Si Afruditi cumannava sovrana supra avetta di u Monti Erici (ora Monti S.Giulianu) a stessa cunsidirazioni ajva tra i dei di l’Olimpu grecu. Lu cuntu di a nascita d’Afruditi ni fu tramannatu di Esiodo nni a Teogonia. Iddu fani la continua di a storia d’Uranu, Gea e Crono. Segui lu primu viaggiu di a dea supra l’isula di Cipru , unni veru bedda e pura niscì di a scumazza di u mari. Dopu ca fu vistuta e adurnata di li Ore au ritmu moddu di ballettu vinni purtata nna li dei a lu apru d’idda e chisti comu la vittiru, la vasaru e la disiriraru subbitu.
Accussì comu nna lu significa d’origini grecu Afruditi, spunta la parola aphor=scumazza ca si rifirisci a la so nascita, nna lu nomu latinu Venusspunta la radici indoeuropea wen(ca significa disidirari , amari, pruvari piaceri) ancora presenti nna la parola ‘nglisi wish o ‘ntedescu wunschen.
Nun fu mai la dea di l’amuri tra maritu e muglieri, comu fu Giunoni, ma kiù tostu rapprisintava dda patena ca ammutta un’essiri versu natru essirisenza putiri risistiri. Pi l’Antichi lu cintu d’idda ‘ntrizzatu di ciura ajva u putiri misticu di piegari a la vuluntà di idda.
Anchi si, pi cumannu di Zeus, si marità Efestu, ‘u ci ‘nteressà di fidltà di muglieri e si lassà iri a tanti avventuri. E di chisti avventuri, la storia ca kiù di tutti vitti Veniri pigliata di lu sintimentu di idda stessu ‘ncarnatu si fa rifirimentu a lu cuntu di Adone, accussì comu sintutu e cuntatu di Ovidiu. Chistu cuntu fu misu a riferimentu cu l’arbulu di a mirra, ca la so gumma assà ciaurusa era pi li populi d’antichità lu kiù preziosu di tutti li gummi di l’arbuli.
Adone, giovani e cacciatori veru beddu, ca fussi figliu cu l’incestu tra la principessa Mirra o Smirna cu so patri, Ciniru, re di Cipru. Mirra, ‘nvirità, s’aiva ‘nnamuratu di lu patri pi curpa di na magaria di Veniri ca la vuliva castigari ca s’avantà ca ajva capiddi assa kiù beddi di a dea di l’amuri. La figlia arrinisci a mannari lu patri ‘mbriacannulu e si misi cu iddu comu na picciotta scanusciuta, ma quannu iddu s’aduna di lu ‘ngannu l’assicutà cu la spata isata all’aria prontu a ammazzalla.
Pi farisi pirdunari l’attu scilliratu arriniscì a farisi trasfurmari di li dei a arbulu, ca la so scorcia si rapì lassannu cadiri l’addevu fruttu di l’amuri pruibitu: Adone. Chistu era l’arbulu dia mirra ca chiancì cu li lacrimi kiù ciaurusi ddu fruttu di lu piccatu.
Quannu si fici gran ni, Adone addivintà accussì attraenti ca Veniri fu attirata cu na passioni forti ca, fu fiuta di la freccia di lu maliziusu Cupidu figliu so, idda lu prifirì a tutti li so amanti. Chistu pruvucà la gilusia furiosa di Marti ca avvintà contro Adone u feroci cinghiali, ammazzannulu; Veniri ci jì currennu cu li lacrimi comu sappi la cosa e trasfurmà lu sangu ca ci currì a lu so amatu in tanti ciuri russi di silvia. UTTINì DI Zeus, dopu ca lu supplicà angusciata, ca fussi richiamatu ‘nvita ma Adone , ni ddu sfrangianti di tempu ca scinni nna l’Infiri, fici ‘nnamurari cu li so biddizzi videmma a Pruserpina ca si rifiutava a lassallu iri.
A la fini s’accurdaru ca Adone avissi a passari, cu alterna vicenna, u periudu di tempu nni Persefone, rigina di lu munnu di li morti, e n’atru nna lu munnu di li vivi, amatu e chianciutu di Veniri ca senza arrinescicci circava di trattinillu.
Comu nna lu mitu di lu rapimentu di Persefone vidè nni sta sorta di jcarisi e spartirisi pi l’amuri si rifletti na allusioni palesi a la rota di la vita di li criatura di la terra e a lu ritmu di pianti di li stagioni, spartutu di lu viguri di la primavera e di lu turpuri di lu ‘nvernu di la natura. A ricordu di stu cuntu li fimmini curavano e offrivanu “sardina “ nichi accussì chiamati d’Adone ca facivanu crisciri subitu nna li grasti accussì siccavanu videmma subitu.
La dea di l’amuri e di la biddizza ‘nSicilia ajva fatti videmma festi e ci facivanu anuri a Selinunti, Imera, Nasso, mentri a Segesta viniva vinirata comu Afruditi Urania. Secunnu la fidi d’iddi portata da Eliano l’acquazziona bona di la matina era opera di Afrodite e viniva ‘ntisa comu na sorta di protezioni di la dea supra la vegetazioni di li campi.
E’ degnu di nota, a stu puntu, fari riferimentu a la tradizioni popolari trapanisa avuta nna lu XIX seculu di Giuseppi Pitrè , pi la quali si cridiva na binidizioni di notti caduta di ‘ncelu l’acquazzina ca si pusava supra li robbi misi fora all’aria aperta nni la notti e, forsi,-cuntinua lu Pitrè- n’avanzu di l’anticu cultu di Afrodite s’avissi aviri vidè nni la costumanza di tanti Siciliani di ripuatri furtunatu cu nasci nna lu jornu didicatu a Veniri, lu venniri, chiamannulu, pi l’appuntu Venerinu.