12 AMMAZZATI E 8 VIVI

Oturi

Ciciu ‘Ngratu

Antefatto

Il più classico dei ladri di pecore è stato denunciato dai carabinieri della stazione di Siculiana. Si tratta del 25enne A. V., di Cattolica Eraclea, di origini tedesche ma da qualche tempo residente nella “città degli sposi”. I carabinieri, nel corso delle indagini scaturite da alcuni furti di pecora verificatisi da qualche mese tra Siculiana, Montallegro e Cattolica Eraclea, avrebbero accertato che il giovane, approfittando della momentanea assenza del padrone di un ovile, sarebbe riuscito a rubargli 20 pecore, probabilmente con l’ausilio di qualche complice. Delle venti pecore rubate, secondo la ricostruzione dell’Arma, 12 erano già state macellate clandestinamente, otto sono state tratte in salvo e  consegnate al legittime proprietario. A. B. dovrà dunque rispondere delle accuse di abigeato e macellazione clandestina. (Giornale di Sicilia pagina 18 Cronaca di Agrigento del 17 novembre 2008)

Nn’a scinnuta d’u signurinu Campu

Nn’u so palazzu propriu nnavanti

Sintia: bee! bee! m’affacciu n’u lampu

E vitti tanti pecuri vaganti

Pinsavu: forsi c’è u’ presepi viventi…

A quali… ca c’era a stragi di ‘nnuccenti!

Quannu arrivaru i carrabunera

Truvaru a casa allagata di sangu

Di chiddu pazzu ca pazzu ‘un era.

La figlia, ca dicica, abballa u tangu,

Cu stu cataluchisi truvà la manera

Di ‘nzimmuliari fangu cu fangu.

Stu picciottu di soli vinticincanni

Cuntà ca sti pecuri c’eru appressu,

ca mancu addumannaru pirmissu,

Senza ‘mbrogli e senza ‘ncanni.

Ora sti vinti pecuri casa casa

Chi jvanu cacannu ‘un era cosa

E sulu pi disperazioni li scannava.

A si c’era ddu bonarma ancora ‘nvita!

Sicuru ca tutti quanti si li mangiava!

Ora ni putemu fari sulu na jucata:

20 pecuri 12 ammazzati e vivi 8

videmu si facemu stu ternu a lottu.

ATTENTI ALL’UFO

Oturi

Ciciu ‘Ngratu

Antefatto

“Due corpi luminosi, di colore arancione molto intenso e di grandezza paragonabile a Giove”. Questa la descrizione di un probabile avvistamento di ufo da parte di Antonio Vanadia, che ieri sera, da Siculiana, si dice certo di aver avvistato due oggetti volanti non identificati. 

AGRIGENTO WEB - Scritto da Redazione, 07-09-2008 12:48

Cronaca - Siculiana - 17/09/2008

Un incendio, al momento di modeste proporzioni, sta minacciando il complesso arboreo della Riserva naturale orientata di "Torre Salsa". sito http://www.agrigentonotizie.it/ il 28/09/2008 alle 19:50:24

‘Ntoni Vanadia sta sempri prontu

occhi e gruicchi aperti sempri attentu

dda a la Saza all’acqua e a lu ventu

jornu e notti cu dda menti pirniciusa,

 dda povira muglieri pacinziusa

e ogni tantu avvista quarche cosa.

N’aciddazzu spirdutu e senza ciatu

Un tartarucazzu mezzu sbinchiatu

Un trunzu di cavulu ‘nzarbagiutu,

un turista cu lu culu di fora,

na rocca a forma di grattalora

e u suli ca si sposta ogni ura.

Na notti ca era tecchia vivuteddu

A panza all’aria e abbanunateddu

E taljava i stiddi d’u Firmamentu.

“Talè Talè! Chi minchia su sti cosi?”

Vitti du palli accussì luminusi

Penzà: “‘un su stiddi e mancu mafiosi

Sunnu marziani cu i discu vulanti

Vannu circannu babbaluci vacanti

Si mi vittiru mi futtinu siduta stanti!

A quali marziani e dischi volanti

Su palluna d’u Casteddu Chiaramonti

Sunnu comu chiddi d’u dui di maju

comu mongolfieri si jsanu pi l’arju

acchiananu si li portanu u ventu

cadennu abbrusciannu n’u mumentu

causannu dannu a li pianti e ‘ngendiu.

A u Casteddu ammentanu tanti cosi

Pi futtiri sordi a ddi poviri sposi

Dopu botti maschiati a tarda ura esplosi,

gran rumpimentu di minchia p’u paisi!

ci mancavanu puru i palluna vaganti

ca a ‘Ntunuzzu ci parunu dischi volanti…

A LA SAZA

Oturi

Francesco Ingraudo

Siculiana, 8 frivaru 2008

ANTEFATTO

Notizia apparsa su: I LOVE SICILIA Anno 5 n°29 Febbraio 2008 pagina 30

Il “Battuage”: ecco la mappa dei luoghi hot in Sicilia –

Agrigento

-La riserva di Torre Salsa: la spiaggia della riserva naturale è frequentata da coppie naturiste,scambiste ed esibizioniste.

Mah? arristavu amminchialiddutu

Liggennu sta notizia n’u giurnali

Chistu propriu n’aiva mancatu

E l’avemu: turismu naturali!

 Ma sti scambisti dicitimi chi sunnu?

‘npiegati di banca o ferrovieri?

Quannu po’ ci jvu propriu ‘nfunnu

Capivu ca si scangiavanu i muglieri.

Unu ci porta a so, sgangulata

E ci nni dunanu una nova nova

Macari ‘ngarenzia e u’ misi di prova

Mi ‘mmaginu chi spiaggia affuddata!

Puru i mariti Si ponnu cangiari,

Na fimmina talia e pisulia:

“Stu batacchiu mi po’ bastari”

comu si fussi simplici mircanzia.

Vulissi vidiri st’esibizionisti

Ca mentri  pi la Saza passianu

Assicurannusi ca di tutti su visti

A robba propria cu gloria mostranu.

“Talè cumpà chi attrezzu! chi trummuni!”

E a fimmina: “vidi chi beddu ciuriddu!”

E unu assittatu sutta l’ombrelloni

Avi a stari attentu a chistu e a chiddu…

A cuntrullari l’entrata cu tantu di stidda

Li masculi i misura Giurlanniddu,

E i fimmini  tutti Peppi Palidda.

Ora dicu, unu va cu la spiranza

Di vidiri quarche tartarucazzu,

N’acidazzu, talè un carcarazzu,

E ammeci si trova a brevi distanza

N’aceddu senza pinni dittu cazzu.